Kryekomisari Asllan Shytaj gjatë një interviste të zhvilluar së fundmi në “Top Story” ka ndarë me audiencën më tepër detaje rreth vrasjes së Martin Canit, një ngjarje e rëndë që tronditi të gjithë vendin.
Ai ka rrëfyer se autori ndodhet në spital pasi është plagosur, detaj të cilin e konfirmon edhe profesori i kriminalistikës Ervin Karamuço, i cili tha se “ka pasur vetëm dorën të fashuar”.
Ndër të tjera u tha se autori nuk ndjen pendesë dhe se dy familjet e të miturëve janë nga veriu i Shqipërisë, aty ku ekziston akoma “gjakmarrja”.
“Nuk kemi qenë prezent, por vazhdon të jetë i acaruar, jo i penduar. Konflikti do jetë i hapur mes dy familjeve. Janë dy familje me origjinë nga veriu. Atje ekzistojnë akoma këto të gjakmarrjes”- rrëfeu ai.
