Ekzekutohet në mes të Tiranës, 27-vjeçari Klaudio Prendi, i cili ishte djali i ish-gjyqtarit Fran Prendi.I riu është qëlluar me breshëri plumbash sapo ka dalë nga një lokal në zonën e Xhamllikut në Tiranë rreth orës 00:36 të 19 nëntorit.
I riu humbi jetën në spital si pasojë e plagëve të marra, ndërsa është qëlluar nga persona ende të paidentifikuar teksa ka qenë duke hipur në makinë.
Në zonën e Farkës është gjetur edhe një makinë e djegur e cila dyshohet se u përket autorëve.
‘Më datë 19.11.2024, rreth orës 00:36, në rrugën “Xhanfize Keko” , dyshohet se është qëlluar me armë zjarri shtetasi K. P., rreth 30 vjeç, i cili është transportuar në spital për ndihmë mjekësore por si pasojë e plagëve të marra ka ndërruar jetë. Rreth orës 01:05, në afërsi të Liqenit të Farkës është konstatuar duke u djegur një mjet tip “Audi”, njoftoi sot policia.
Klaudio Prendi nuk është emër i panjohur për blutë, pasi më 6 maj 2023, ai ka qëlluar me armë në qytetin e Pukës.
Ai është djali i ish-gjyqtarit Fran Prendi, i cili u dorëhoq pasi filloi vettingu.
