Vite më parë u përfol për një bashkëpunim të suksesshëm midis këngëtarit të ndjerë Ergi Dinit dhe reperit kosovar Cozman. Dy artistët u afruan miqësisht nëpërmjet Tunës, e cila kishte një afeksion të veçantë për Ergi Dinin, pasi ajo i ka qëndruar pranë në çdo moment të ndërtimit të karrierës së tij.
Ai ishte një bashkëpunim që bëri bujë në industrinë muzikore shqiptare atë midis Ergi Dinit dhe Cozman, një projekt i cili nisi të realizohej, por nuk arriti të përfundonte dot kurrë, pas tragjedisë së 22-vjeçarit.
Shumë fansa të këngëtarit të ndjerë ende shprehin dhimbjen e tyre për humbjen e të riut, që iu prenë në mes ëndrrat.
