Xhovana Nikolli ka reaguar në rrjete sociale lidhur me vdekjen e fqinjit të saj, Enea Thomaraj, i cili u plagos rëndë në derën e shtëpisë së Xhovanës nga një sulm me tritol që u shkaktua për shkak të deklaratave që ajo bënte nëpër rrjete sociale për Nuredin Dumanin. Nga ky sulm ishte shënjestër Xhovana Nikolli, mirëpo e pësoi i ndjeri Enea Thomaraj i cili ishte krejtësisht i pafajshëm lidhur me ngjarjen.
Edhe pse shkaktare e tragjedisë, Xhovana reagon e prekur nëpër rrjete sociale. Ajo ka vendosur në foton e profilit një shirit të zi dhe shkruan në Instastory se i shpreh ngushëllimet familjes së Eneas. “Ngushëllime familjes së Eneas. Zoti ju dhëntë forcë të përballoni këtë dhimbje…Ju prehtë shpirti në paqe”, shkruan Xhovana Nikolli në Instastory.
Rikujtojmë se tritoli ishte vendosur në koridorin e katit të 4-t të pallatit në derën e hyrjes në pronësi të një 59 vjeçari, ku jetonin me qira motrat Nikolli, të cilat akuzuan Nuredin Dumanin si porositës të vendosjes së tritolit. Ndërkohë ngjarja po hetohet nga SPAK, për shkak se personi që kanë akuzuar si porositës të vendosjes së tritolit, Nuredin Dumani është i penduar i drejtësisë dhe është hetuar nga SPAK.
Pas ngjarjes, Alda Nikolli, motra e Xhovana Nikollit, deklaroi në media se me Nuredin Dumanin kishte nisur një romancë në distancë disa kohë më parë. Nga ana tjetër, Xhovana Nikolli njihet për lidhjen e saj me Amarildo Nikollin alias Xhanej i cili u arrestua nga policia rreth një vit më parë, si i dyshuar që ishte porositur për të vrarë dy persona në qytetin e Vlorës.
