Fansat e Kanye West kanë etiketuar postimet e mediave sociale me hashtag-un “#PrayForKanye” (“#LutuniPërKanye), pas raportimeve se reperi është shtruar me urgjencë në spital pas një krize nervore.
Qindra mesazhe të simpatizantëve dhe urime për t’u shëruar u shkruan në “Twitter”, duke treguar se si këngëtari kishte pasur influencë në jetën e tyre përmes artit.
“Shtrimi në spital i Kanye-t më prishi ditën. Muzika dhe intervistat e tij kanë ndikuar te mua më shumë se çdo gjë”, shkruan një fans. Ndërsa një tjetër shprehet: “Muzika e Kanye-t ndryshoi jetën time dhe unë kam parë ambicien e tij. Sëmundja nervore nuk është diçka me të cilën mund të ngatërrohesh. Shërohu shpejt”.
Një përdorues, vuri në dukje se sjelljet e fundit të reperit vijnë në prag në 9-vjetorit të vdekjes së nënës së reperit, Donda, e cila ndërroi jetë më 10 nëntor të 2007-s, në mes të një kirurgjie plastike.
“Njerëzit e luftojnë depresionin në forma të ndryshme”, shkruan një tjetër fansa i reperit, duke shtuar se Kanye fajëson veten për vdekjen e parakohshme të nënës së tij.
Dikush optimist thotë: “@kanyewest është ende njeriu i librit tim. Ai do ta kalojë këtë dhe do të shkëlqejë akoma më shumë. E ka bërë dhe më parë”.
Dhe ju mund tw mbështesni reperin e famshëm me publikimin e një postimi me hashtag-un “#PrayForKanye”.
Burimi: Daily Mail
