Justin Bieber ka gjakosur një nga fansat e tij, pasi i ra me grusht në fytyrë teksa mbërriti në koncertin që do të mbante në Barcelonë.
“Daily Mail” ka publikuar një video që tregon fansin teksa i afrohet automjetit të këngëtarit 22-vjeçar kanadez dhe fut duart brenda xhamit për të prekur Bieber-in.
Mirë po ky i fundit nuk e priti mirë dhe i ra një grusht duke lënë fansin të shokuar dhe të gjakosur, ndërkohë që në të njëjtën gjendje shihen edhe të pranishmit e tjerë.
Kjo nuk është hera e parë që Justin përfshihet në një incident. Në vitin 2014 ai ishte në Ibiza me një grup miqsh, në të njëjtin vend ku po darkonte Orlando Bloom, kur ky i fundit u mat të godiste Justin.
Një version i ngjarjes e shpjegon incidentin me faktin se, Justin i tha Orlando-s që kishte fjetur me gruan e tij Miranda, të cilën e kishte takuar për herë të parë në shfaqjen e Victoria’s Secret në vitin 2012.
