Një makinë u përplas në një karvan me emigrantë të destinuar për në SHBA që udhëtonin përgjatë një autostrade në Meksikën jugore të enjten, duke vrarë tre persona, përfshirë një vajzë, thanë autoritetet.
Shtatëmbëdhjetë persona të tjerë u plagosën në incidentin në shtetin Oaxaca, tha në një deklaratë Instituti Kombëtar i Migracionit.
“Një automjet privat ka përplasur pjesëtarët e një karvani emigrantësh”, tha INM, duke konfirmuar vdekjen e tre të huajve.
Aksidenti ka ndodhur herët në mëngjes. Një shofer me shpejtësi ka humbur kontrollin, raportojnë mediat meksikane. Burri dhe vajza e vogël po udhëtonin me biçikletë.
Qindra emigrantë , kryesisht nga vendet e Amerikës Latine dhe Karaibeve, kalojnë Meksikën çdo ditë duke u përpjekur të arrijnë në SHBA për të gjetur një jetë më të mirë, duke lënë varfërinë, dhunën ose duke ikur për shkak të situatës politike në vendin e tyre. Ata janë shtetas të Guatemalës, Hondurasit, Venezuelës, Kubës, Haitit… Rrugës bëhen shpesh viktima të dhunës së “ trafikantëve ”, mafiozëve, zhvatjeve nga zyrtarë të korruptuar publikë, aksidenteve, motit ekstrem…
