Përvetësimi i fotografive në mediat sociale është kthyer në një trend! Shpesh shikoni një miken tuaj, e cila publikon një foto me të cilën duket shumë e ngjashme.
Por në fakt ky fenomen është i përhapur edhe te të famshmit shqiptarë. Pas publikimit të disa rasteve, e radhës ishte këngëtarja nga Kosova, Era Istrefi.
Më 7 nëntor, Era publikoi një foto në “Instagram” ku tregoi makinën e saj të veshur me pelush rozë. Ndërsa të gjithë na pëlqeu trendi që solli këngëtarja, pas një hulumtimi në mediat sociale dalluam se në fakt imazhi nuk i përkiste asaj.
Foto origjinale e makinës është publikuar dy ditë para se ta postonte këngëtarja, më 5 nëntor, nga një faqe e huaj e medias sociale. Vërtetësinë e kësaj mund ta kuptoni vetëm nga pamja që duket jashtë makinës, e ngjashme me foton që postoi Era Istrefi. Ndoshta këngëtarja ka dashur të tregojë se do të donte ta kishte makinën të tillë!
Burimi: Iconstyle/ Instagram
