Një furrë buke në Prishtinë është mbyllur. Kjo pasi dyshohet se rreth 20 persona janë helmuar nga produktet e saj.
Sipas policisë së Kosovës, personat që dyshohet se janë helmuar kanë kërkuar ndihmë mjekësore.
“Njësia policore ka intervistuar pronarin e furrës si dhe me vendim të inspektorëve sanitarë furra është mbyllur deri në daljen e analizave”, u tha në njoftimin e Policisë së Kosovës.
Në ditët në vijim, sipas autoriteteve, do të intervistohen edhe personat që dyshohet se janë helmuar.
