Gjykata e Durrësit ka liruar sot nga burgu reperin Noizy i cili ndodhej në paraburgim prej më shumë se 1 jave dhe pritej të ekstradohej në Kosovë, si i akuzuar për sherrin e bujshëm në Pejë ku u dhunua brutalisht TikTok-eri Medi Iseni. Reperi u lirua me garanci pasurore prej 5 milionë lekësh të reja. (lexo këtu)
Bashkë me Noizyn, lidhur me ngjarjen u ndalua edhe 32-vjeçari, Bahtjar Bajraktarai, Dj i tij i njohur me emrin Crax. Mirëpo, ky i fundit nuk është liruar nga burgu. Kjo pasi Crax është me shtetas i Kosovës dhe vendimin për të e merr Gjykata Themelore e Pejës. Dhe vendimi ende nuk është marrë.
Kujtojmë se Noizy u arrestua pak ditë më parë në Shëngjin së bashku me 7 persona të tjerë, pasi akuzohej se dhunoi brutalisht Muhamet Isenin, i njohur në “TikTok” si Medi, brenda një klubi nate në Pejë. Teksa të gjithë prisnin të ekstradohej, Gjykata e Durrësit e ka shpërfillur kërkesën e Ministrisë së Kosovës dhe e ka liruar reperin për 5 milionë lekë të reja.
