Molly-Mae Hague ka njoftuar ndarjen e saj nga i fejuari Tommy Fury pas pesë vitesh së bashku. Influencuesja ndau lajmin në Instagram me 7.9 milionë ndjekësit e saj, duke shtuar se do të distancohej pak nga mediat sociale.
“Jam jashtëzakonisht e mërzitur të njoftoj se lidhja ime dhe Tommy ka marrë fund”, ka postuar ajo.
Dyshja, të cilët u njohën në serinë e vitit 2019 të Love Island dhe u fejuan në vitin 2023, mirëpritën vajzën e tyre Bambi në fillim të vitit të kaluar.
Në deklaratën e tij, Fury tha se ishte “zemërthyer” dhe kërkoi nga fansat privatësi. Ai falënderoi gjithashtu Mollyn që e bëri baba. Hague dhe Fury, të dy 25 vjeç, janë padyshim çifti më i ndjekur që kanë dalë nga Love Island.
Në deklaratën e saj, Hague tha: “Kurrë në një milion vjet nuk kam menduar se do të më duhej ta shkruaja këtë.
“Pas pesë vitesh që jemi bashkë, nuk e imagjinoja kurrë se historia jonë do të përfundonte, veçanërisht jo në këtë mënyrë. Do të jem përgjithmonë mirënjohëse për gjënë më të rëndësishme për mua tani dhe gjithmonë, vajzën time të bukur. Pa ne nuk do të ishte ajo, ajo do të jetë gjithmonë prioriteti im. Dua t’ju falënderoj të gjithëve për dashurinë që na keni treguar gjatë pesë viteve të fundit. Ju të gjithë keni qenë pjesë e rrugëtimit tonë dhe e ndjej se është e drejtë ta ndaj këtë me të gjithë ju.
Menjëherë më pas, Fury publikoi deklaratën e tij në Instagram, duke u thënë ndjekësve: “Më thyhet zemra të ndaj që unë dhe Molly kemi vendosur t’i japim fund lidhjes sonë.
Fansat dyshojnë se shkak i ndarjes mund të jetë bërë ndonjë tradhti nga ana e Fury-t.
Kujtojmë se Fury është vëllai i kampionit të peshave të rënda, Tyson Fury, dhe është edhe vetë boksier. Hague ka ndjekësit më të mëdhenj të mediave sociale nga çdo ish-konkurrent i Love Island dhe ishte drejtor kreativ i shitësit të modës PrettyLittleThing deri vitin e kaluar.
Fury i propozoi Hagës në Ibiza gjashtë muaj më vonë, në një ceremoni në majë të shkëmbit të rrethuar me trëndafila të bardhë. Hague lindi në Stevenage dhe u rrit në Hitchin, Hertfordshire, ndërsa Fury lindi dhe u rrit në Mançester.
View this post on Instagram
