Orges Shehi nuk është më trajner i Partizanit. Pas 27 ndeshjesh në krye të skuadrës, Partizani dhe Shehi kanë ndarë rrugët. Skuadra do të vijojë përgatitjet nën drejtimin e Drejtorit Sportiv Arbër Abilaliaj dhe stafit teknik. Shehi e mori drejtimin e ekipit në muajin janar dhe po e lë vetëm dy javë para nisjes së sezonit.
“Partizani njofton mbylljen e marrëveshjes me trajnerin Orges Shehi. Drejtuesit dhe Shehi kanë zhvilluar një takim, në përfundim të të cilit palët kanë vendosur të ndërpresin bashkëpunimin mes tyre. Partizani dëshiron të falënderoj Orges Shehin për kontributin e dhënë gjatë kësaj periudhe në drejtimin e ekipit , duke i uruar njëkohësisht shumë suksese në të ardhmen. Skuadra do të vijoj përgatitjet në drejtimin e Drejtorit Sportiv Arbër Abilaliaj dhe stafit teknik”, shkruan ai.
