Situata e zjarrit në Shëngjin ka dalë jashtë kontrollit. Banorët dhe turistët po evakuuohen, pasi flakët u janë afruar godinave. Zjarri ka përparuar me shpejtësi të madhe drejt resorteve dhe hoteleve, duke djegur beach bare, çadra dhe shezllone.
Në pamjet e siguruara nga Top Channel, shihen banorë dhe turistë duke u larguar mes lotëve. Ata janë detyruar të lënë bizneset dhe banesat e tyre për t’i shpëtuar flakëve.
Qindra mjete zjarrfikëse janë në terren, por flakët kanë përparuar me shpejtësi për shkak të erës dhe bimësisë në zonë. Gjatë minutave të fundit flakët kanë përparuar në rrugën që të çon në zonën e Ranës së Hedhun.
