Këngëtarja Celine Dion ka reaguar për herë të parë pas performancës së jashtëzakonshme që ajo dhuroi në ceremoninë e hapjes së Lojërave Olimpike në Paris 2024. Ylli kanadez, e cila po lufton me sindromën e rrallë dhe të pashërueshme “të personit të ngurtë”, e mbylli ceremoninë me një performancë mahnitëse në majë të Kullës Eiffel.
Kjo ngjarje shënoi një moment historik të rëndësishëm, që erdhi 28 vite pas debutimit të saj olimpik në Lojërat e Atlantës 1996. Performanca rrëqethëse e Dion la shumë të përlotur teksa ajo këndoi “Hymne a L’amour”.
