Një ngjarje e rëndë është regjistruar ditën e sotme në Ksamil. Një 14-vjeçare ra nga jet ski dhe u plagos rëndë.
Ajo ka qenë duke udhëtuar me vëllain e saj 20-vjeçar, ku sipas policisë dyshohet se ai ka humbur kontrollin mbi drejtimin e mjetit lundrues dhe janë rrëzuar në det.
Sakaq 14-vjeçarja u nis në Spitalin e Traumës për një mjekim më të specializuar.
Njoftimi i Policisë
Shtetasi G. Gj., 20 vjeç, duke lundruar me një mjet lundrues Jet Ski së bashku me motrën e tij 14-vjeçare, dyshohet se ka humbur kontrollin mbi drejtimin e mjetit lundrues dhe si pasojë e rrëzimit në det, ka mbetur e dëmtuar shtetasja e mitur.
14-vjeçarja do të dërgohet për ndihmë mjekësore të specializuar në Tiranë dhe ndodhet jashtë rrezikut për jetën.
Mjeti lundrues është shoqëruar në portin e Sarandës për verifikime të mëtejshme nga Policia Kufitare, ndërsa grupi hetimor vijon punën për sqarimin e plotë të rastit.
