Rigels Rajku i njohur nga të gjithë me emrin e artit, Noizy, është larguar që në moshën 11 vjeçare, nga Shqipëria.
Në vitin 1997 Noizy, i lindur në Sukth, së bashku me familjen e tij u largua nga Shqipëria për një jetë më të mirë ne Londër (South east, Wooldwhich).
Në lagjen ku Noizy u stabilizua kishte më shumë luftë se në Shqipëri… Ne atë kohë Wooldwhich njihej si një nga lagjet ghetto më të rrezikshme në Londër ku peshku më i madh e ha më të voglin dhe ku fjala mëshire nuk ekzistonte për një kohe shumë të gjatë.
I frymëzuar nga mënyra e jetesës se përditshme ne te kaluarën e bënë atë me uri në karrierë dhe familje. Noizy gjithashtu është kampion në ndeshje rruge “streetfight” ku ai është shpallur kampion i Londrës me 15 ndeshje – 15 fitore.
Ne vitin 2008 Noizy lidhi një kontratë me “ZIG ZAG” on records në të cilën u realizuan super hitet “O.T.R me zemër” , “Jena mbretër” & “Histori e gjatë” . Albumi i Parë i Noizy-t “PAK MË NDRYSHE” ka zgjatur gati 1 vit të plotë për t’u realizuar në mënyrë shumë profesionale.
Në vitin 2010 doli në treg albumi me titull “Most Wanted MixTape”. Në vitin 2010 Noizy mori pjesë ne eventin Top Fest me këngën What’s up dhe Fitoi “Çmimin e Internetit”. Ndërsa Living your Dream, do të sillte një boom në tregun shqiptar pas hiteve si: Ku Jan Shqiponjat e shumë të tjera.
Pothuajse çdo këngë e tij i dedikohet ose bëhet diss për reperat e një tjetër grupi reperësh, si Babastars. Noizy pothuajse në çdo këngë të tij sfidon këngëtaret e labelit Babastars me të cilët është përleshur fizikisht në Zyrih të Zvicrës apo edhe në Kosovë, ku pati të shtëna me arme dhe plagosje të një prej reperëve të OTR, Varrosi.
Përpos historisë së vështirë të jetës së tij, gjëja më e bukur që mund t’i ketë ndodhur reperit është vajza e tij e vogël. Leandra jeton në Angli me të ëmën e saj. Reperi i njohur Noizy, i cili veç muzikës njihet edhe për shoqërimet e tij të shumta me femra, është shprehur gjatë një interviste televizive se vajza e tij 4-vjeçare, Leandra, është shumë xheloze për të dhe se nuk ka dëshirë ta shohë me femra.
Sot Noizy ka një gjendje të mirë ekonomike. Çmenduria më e madhe e tij ishte kur në një nga klubet e Tiranës, ai ka nxjerrë nga çanta një tufë me dollarë që ia ka hedhur sallës. Personat e pranishëm kanë thënë për BalkanWeb se kanë qenë më shumë se 1000 dollarë ato që u hodhën nga këngëtari në club.
