Ish-ministri i Shëndetësisë në Qeverinë “Rama 1”, Ilir Beqaj raportohet se është rrahur me grushte në zyrë me një tjetër koleg socialist. Këtë deklaratë e bëri të ditur analisti Arian Curri, i cili bën me dije se dy ministra të kabinetit Rama kanë dhunuar njëri-tjetrin vite më parë.
Teksa ishte i ftuar në emisionin “Top Story”, ai ka treguar se vjehrri i ministrit ka qenë me kancer dhe kur ka shkuar në Spitalin Onkologjik, atje nuk i është dhënë shërbim. Curri nuk ia përmendi emrin asnjërit prej të dyve, por i vetmi ministër burrë nga Partia Socialiste në Ministrinë e Shëndetësisë ka qenë Ilir Beqaj (2013-2017), i cili është pasuar nga Ogerta Manastirliu.
“Qeveria e dinte këtë situatë. Dy ministra janë rrahur me grushte në zyrë. Njëri ka qenë ministri i Shëndetësisë i kohës dhe tjetrit nuk po ja themi emrin. Janë rrahur dy ministra të qeverisë. Vjehrri i tij, që ishte me kancer, ka vajtur të Onkologjiku dhe nuk ka marrë shërbim. Janë rrahur dy ministra të qeverisë”.
