Armandi Nelaj, 52 vjeç, është identifikuar si viktima e shpërthimit të djeshëm në Sarandë. Nelaj ishte biznesmen prej 13 vitesh, pronar i një kompanie të mjeteve të rënda të ndërtimit. 52-vjeçari ndërroi jetë pas një shpërthimi në det, rreth orës 22:00 të 24 qershorit në Sarandë.
Shpërthimi mbetet ende i papërcaktuar. Paraprakisht u njoftua nga Policia se bëhet fjalë për bombul oksigjeni. Por një nga pistat e hetimit që po heton policia është se mund të kemi të bëjmë me akt kriminal ose viktima të ishte pjesë e një akti të planifikuar dhe ka dyshime se shpërthimi ka ndodhur nga tritol dhe jo nga bombula.
Polumbarët kanë gjetur sot në thellësinë e detit pranë vendit të ngjarjes copa metalike qe dyshohet se i përkasin mjetit lundrues në të cilin dyshohet se ndodhej viktima, megjithatë nuk është arritur të saktësohet se për çfarë mjeti bëhet fjalë. Grupi hetimor është duke punuar intensivisht për të zbardhur plotësisht rrethanat e kësaj ngjarjeje tragjike.
