Një aksident i rëndë është regjistruar në Greqi. Një automjet është përplasur me një autobus në Ksanthi, ku për pasojë kanë mbetur të vdekur 4 persona, 1 prej tyre shqiptar dhe 5 persona të tjerë janë plagosur.
Si pasojë e aksidentit kanë ndërruar jetë 4 udhëtarë të automjetit, konkretisht drejtuesi i mjetit, shtetasi grek Georgios Oikonomidis 26 vjeç si dhe pasagjerët Diana-Ana-Maria Bobu 28 vjeç nga Rumania, Georgia-Maria Mastori 22 vjeç nga Greqi e Neldian Serjani 27 vjeç nga Shqipëria.
I plagosur rëndë ka mbetur pasagjeri i pestë i mjetit, Nikolaos Metoxiatis 22 vjeç nga Greqia.
Nga kjo përplasje e fortë janë plagosur lehtë edhe drejtuesi i autobusit dhe 3 pasagjerë mes të cilëve shtetasja shqiptare Pranvera Filja 39 vjec nga Elbasani.
Ky aksident i rëndë ka ndodhur për shkak se automjeti ka hyrë në sens të kundërt në rrugën Ksanthi.
