Shqipëria u mund në ndeshjen e parë të Europianit përballë Italisë me rezultatin 2-1 në Dortmund. Sfida nisi mjaft mirë për kuqezinjtë e Sylvinhos, të cilët gjetën golin me Bajramin që shënoi që në sekondën e 22, duke realizuar kështu dhe golin më të shpejtë në historinë e një kampionati Europian.
Por kjo gjë nuk mjaftoi që Shqipëria të fitonte kundër Italisë, ndeshje e cila doli me rezultatin Itali 2-1 Shqipëri ku kështu Italia shkon në kuotën e tre pikëve, ndërsa Shqipëria do të tentojë të arrijë maksimumin përballë Kroacisë më 19 qershor, ora 15:00 në Hamburg.
Mirëpo kudo nëpër rrjet po qarkullon një video e cila është kapur gjatë momentit të golit që barazoi Shqipërinë me Italinë dhe shkak që kjo video është bërë virale, është për shkak të reagimit të futbollistit shqiptar Elseid Hysajt.
Sipas tifozëve, futbollisti uli kokën në momentin kur Barrela goditi topin, duke ia dalë ta fusë në rrjet.
“Po ul kokën se mos goditet nga topi”, shkruajnë qytetarët e ndërsa disa të tjerë shkruajnë “Uli kokën mos t’i prishet modeli i flokëve me xhel”.
