Ngjarja që po ndodh në familjen e Michael Buble ka pikëlluar miliona njerëz. Këngëtari i famshëm Buble ka vendosur që të tërhiqet nga muzika deri në shërimin e djalit të tij 3-vjeçar, i cili së fundmi, u diagnostikua me kancer në mëlçi.
41-vjeçari thuhet se është futur në një “flluskë gjigande” dhe është përqendruar tërësisht tek vogëlushi Noah, i cili do t’i nënshtrohet kimioterapisë për 4 muaj.
Pauzën e tij muzikore e konfirmon miku i tij i ngushtë, muzikanti David Foster, që shtoi se Buble ishte optimist dhe se kishte besim të plotë tek mjekët. Bashkëshortja e tij, aktorja Luisana Lopilato, gjithashtu do të marrë një pauzë nga karriera për t’ju përkushtuar djalit.
“Kur kjo ndodh, gjithçka mbyllet përreth teje. Ti shkon brenda flluskës tënde dhe nuk mendoj se ai po shikon mediat sociale. Unë jam i sigurt që ai ndjen dashurinë nga miliona njerëz”, tha Foster.
Burimi: Daily Mail
