Michael Mosle është prezantuesi i “BBC-së” i cili është zhdukur katër ditë më parë por ende nuk është gjetur. Sakaq kërkimet për gjetjen e tij vijojnë.
Autoritetet kanë ndërtuar një plan të ri kërkimi me shpresën se prezantuesi i BBC-sw do të gjendet. Gruaja dhe katër fëmijët e prezantuesit ndodhen në Symi. Në të njëjtën kohë, së bashku me autoritetet, vullnetarë dhe gazetarë që kanë shkuar në ishullin e Dodekanezit për të mbuluar reportazhin po marrin pjesë në kërkimin e vendndodhjes së tij.
Siç njoftoi dje roja bregdetare e Symit, pesë varka patrullimi, së bashku me të gjitha varkat private dhe tregtare pranë ishullit, që ishin informuar për incidentin kanë kërkuar për Mosley. Ekipi i kërkimit mesditën e së premtes përbëhej nga 25 persona, përfshirë policë, zhytës, vullnetarë dhe zjarrfikës. Në kërkim ndihmojnë gjithashtu një helikopter i dërguar nga Athina, dronët që kërkojnë në zona të vështira për t’u arritur dhe një qen policie.
Siç vlerësohet, prezantuesi është larguar nga plazhi i Agios Nikolaos, ka marrë rrugën për në Gialos dhe diku gjatë rrugës ka ndodhur diçka dhe si pasojë janë humbur gjurmët e tij. Madje, në video por edhe në fotot e publikuara të premten gazetari i njohur paraqitet duke ecur dhe duke qëndruar jashtë dyqaneve të zonës.
Më pas, llogaritet se ai është larguar nga Pedi dhe duke u nisur drejt Gialos, është ngjitur në mal ku për një arsye ende të panjohur është zhdukur. Siç raportuan burime policore për protothema.gr, gazetari, me të mbërritur në Pedi, mund të hipte në autobus dhe të shkonte në Gialos, gjë që, mesa duket nuk e bëri. Dhe kjo sepse, nëse do ta kishte bërë këtë, hipja e tij do të ishte kapur nga një kamera sigurie e vendosur në një dyqan pranë stacionit të autobusit.
Kështu me shumë gjasa gazetari ka mbërritur në Pedi dhe prej andej ka ndjekur rrugën që të çon në Gialos në këmbë dhe diku në mes ka ndodhur diçka. Ende nuk dihet se çfarë ka ndodhur me efektivët e Policisë Helenike, të Zjarrfikësve dhe të Rojës Bregdetare që po vijojnë hetimet pa ndërprerje, në përpjekje për të gjetur një element që do të çojë në gjurmët e tij.
Në të njëjtën kohë, në operacionin e shpëtimit të prezantueses së njohur të BBC-së po marrin pjesë edhe zhytës. Nënkryetari i bashkisë së ishullit, Ilias Haskas, i cili mori pjesë në hetim, tha dje për rrjetin britanik se “ata kanë kërkuar kudo” dhe se tani do të kenë “zhytës që do të kërkojnë në ujë” me ndihmën e rojeve bregdetare.
Kujtohet se ndërsa ekipet e shpëtimit po përpiqen të gjejnë gjurmët e tij, ditën e djeshme, Mega publikoi një foto që tregon prezantuesin britanik që ka kaluar rrugën e rrezikshme, duke mbajtur një ombrellë rreth 30 minuta pas orës së zhdukjes. Dëshmia në fjalë pretendon që 67-vjeçari të ketë mbërritur në Pedi dhe prej andej ka tentuar të drejtohet me autobus në Gyalos ku ndodhet shtëpia ku ai dhe gruaja e tij banojnë. Në mënyrë të veçantë, banori, i cili ka dhënë edhe një deklaratë pranë autoriteteve, ka pohuar se ka parë 67-vjeçarin duke pritur në stacionin e autobusit, në Pedi, në orën 14 të së mërkurës.
