Shqipëria ka dërguar listën e saj zyrtare për Euro 2024. Trajneri Silvinjo ka hequr nga lista vetëm një lojtar, portierin e Eintracht Frankfurt, Simon Simoni.
Kujtojmë që për fazën përgatitore që u zhvillua në Austri, Silvinjo ftoi 27 lojtarë nga 26 që lejohet të shkojnë në Europian.
Miqësoret me Azerbajxhanin dhe Lihtenshtejnin i kanë shërbyer brazilianit për të qartësuar edhe idetë e fundit teksa tashmë Shqipëria bëhet gati zyrtarisht për europianin.
Kombëtarja kuqezi do ta ketë bazën e saj në një qendër stërvitore në Dortmund. Në këtë qytet do të luhet edhe ndeshja e parë kundër Italisë më 15 Qershor.
Lista e lojtarëve në Euro 2024:
Portierë: Etrit Berisha, Thomas Strakosha, Elhan Kastrati;
Mbrojtës: Berat Gjimshiti, Elseid Hysaj, Ivan Balliu, Ardian Ismajli, Arlind Ajeti, Naser Aliji, Mario Mitaj, Enea Mihaj, Marash Kumbulla;
Mesfushorë: Amir Abrashi, Kristjan Asllani, Nedim Bajrami, Medon Berisha, Klaus Gjasula, Qazim Laçi, Ernest Muçi, Ylber Ramadani;
Sulmues: Jasir Asani, Armando Broja, Mirlind Daku, Arbër Hoxha, Rey Manaj dhe Taulant Seferi.
