Këngëtarja Ariana Grande “zaptoi” skenën e ‘The Tonight Show’ me moderator Jimmy Fallon. Këngëtarja dhe aktorja 30-vjeçare performoi këngën e saj “The Boy is Mine” gjatë episodit të së enjtes në emisionin NBC.
Grande e veshur si Catwoman (gruaja mace) me një maskë dhe një fustan krejt të zi performonte në skenën e krijuar posaçërisht për t’u dukur si çatia e një pallati. Në intervistë, Grande foli pak për videoklipin e “The Boy is Mine”, duke i thënë prezantuesit Fallon se në video luan aktori i ‘Gossip Girl’, Penn Badgley.
Grande publikoi videoklipin e “The Boy is Mine” vetëm pak minuta më parë. Në video, Grande luan një personazh të frymëzuar nga Catwoman, e cila planifikon të joshi kryebashkiakun e qytetit (Badgley) me një ilaç dashurie.
“The Boy is Mine” shfaqet në albumin e Grande Eternal Sunshine, i publikuar në mars. Kënga është një riimagjinim i hitit të vitit 1998 nga Brandy dhe Monica, të cilët bëjnë pjesë në video si spikere lajmesh.
