Boksieri i njohur Mike Tyson humbi ndjenjat gjatë fluturimit nga Miami në Los Angeles.
‘Boksieri profesionist pësoi komplikacione për shkak të ulçerës 30 minuta para uljes”, tha përfaqësuesi i tij për Page Six.
“Ai është mirënjohës për stafin mjekësor që ishte aty për ta ndihmuar”, vazhdoi zëdhënësi, duke sqaruar se Tyson tani është mirë.
‘In Touch Weekly’ ishte i pari që raportoi për ngjarjen, por përfaqësuesi i Tyson u përgjigj se ishte raportim i rremë se kujdesi mjekësor u vonua.
Frika për shëndetin e Tyson ndodh dy muaj para se ai të kthehet në ring dhe të ndeshet me Jake Paul.
“Ai është djalë i ri në këtë fushë. Më pëlqen të trondis botën e sportit deri në themel, dhe këtë po e bëj tani. Është diçka që dua të bëj. Askush tjetër nuk mund ta bëjë këtë më mirë se unë.”-tha në atë kohë Tyson.
