Bes Kallaku dhe Xhensila Myrtezaj janë në qendër të vëmendjes së mediave rozë. Pas publikimit të këngës së Besit ‘Mosmirënjohja’, të gjithë jemi sy e veshë për të parë se çfarë reagimi do ketë Xhensila, pasi përflitet se teksti lidhet me historinë e tyre.
Por e kundërta po ndodh. Xhensila vijon jetën e saj normalisht, me koncertet, fëmijët e madje duket se nuk ka në mendje të reagojë.
Sot ajo ka publikuar një video në ‘story’, ku duket e relaksuar teksa dëgjon muzikë.
Kujtojmë se Besi ka publikuar projektin e tij më të ri në bashkëpunim me këngëtaren Eli Malaj. Përmes një postimi në Instagram ai thekson se ky teksti është “tekst shpirti” gjë që duket se nënkupton se mund të jetë një mesazh për këngëtaren.
“Nga mosmirenjohja, une ta ktheva shpinen, a do mbash mekatin-a do bësh viktimën…”, thuhet mes të tjerash në tekstin e këngës.
