Meriton Mjekiqi është një nga personazhet më të komentuar të këtij edicioni të “Big Brother Vip”. Vëmendja e tij ka arritur kulmin nga romanca me gazetaren, Ilnisa Agolli por edhe për historinë dhe kauzën e djalit të tij, për të cilin synon edhe ta fitojë këtë garë. Mirëpo ditët e fundit, siç u komentua edhe në spektaklin e mbrëmjes së djeshme nga opinionistët por edhe nga banorët në shtëpi, moderatori nuk është shfaqur shumë aktiv në lojë, përjashtuar rastit të sotëm ku degradoi në një fjalor banal.
Duket se komentet kanë ndikuar tek Meritoni i cili siç duket po lëviz çdo gur për të marrë vëmendjen që e ka humbur pas eliminimit të partneres së tij. Ai së fundmi është përfshirë në një debat, ku shprehet se është ndjerë i ofenduar dhe i diskriminuar nga banorët se ai është shqiptar i Kosovës.
E gjitha nisi nga një krahasim i bërë mes dy formateve BBVK dhe BBVA nga Juli por pa tendencë. Mirëpo, Meritoni ndonëse u injorua në debat, vazhdoi të pretendonte me zë të lartë se i është bërë padrejtësi. “Shqiptarët e Kosovës”, u përmend disa herë si frazë nga Meritoni por jo nga banorët e tjerë.
Pjesë nga debati:
Graciano: Për mua shh nuk është sharje, jam rritur në Tiranë, diskutoj në Tiranë. Kur të shkojmë te Big Brother Kosova merre si sharje këtu nuk është sharje. Zemra ime mos u viktimizo për të miliardën herë.
Egla: Tek ne “shh” është rri urtë nuk është sharje
Meriton: Për mua, ku jam rritur unë kjo është sharje. Mos më shani. Tek ne është sharje, t’ja thuash një djali atë është sharje, në lagjen ku jam rritur.
Graciano: Nuk e di këtë gjënë. Mos u viktimizo. Shh ja bëjë kalajmajve.
Meriton: Në lagjen ku jam rritur kjo nuk do të thotë, ashtu, është sharje.
Graciano: Jo, nuk i di kodet tuaja. Viktimizimin dhe këtë lojën e pisët kështu, jo! Po ta dija nuk do ta bëja kurrë në atë drejtim, se s’jam ai lloj nivel.
Juli: Mos u tall me Kasharin, pse tallesh me Kasharin? Është fshat i nderuar që është ky këtu dhe mos u tall me Kasharin. Se të vjen ndonjë nga këtu dhe i dëgjon thirrjet pastaj.
Meriton: Keni vazhduar të bëni dallime. Se prej ditës që kam ardhur brenda, e kam parë që keni nisur të bëni dallime. Pse bën dallime, duke i rënë Big Brother Kosova?
(Juli dhe Egla i kthejnë kurrizin nuk i kthejnë përgjigje)
Meriton: Po ikni se bëni dallime, shqiptari i Kosovës, shqiptari i Shqipërisë? Është e turpshme, mos bëj dallime. Nuk ka dallime Big Brother i Kosovës dhe Big Brother i Shqipërisë. Je i pisët. Shqiptarët jemi një.
(Banorët nuk i përgjigjen)
