Spektakli i sotëm vuri në qendër të vëmendjes jo vetëm banorët por edhe produksionin e “BBV” dhe kjo nuk është hera e parë që vihet në dyshim transparenca e këtij programi. Jetmiri teksa argumentonte debatin me Eglën u shpreh se sado të flasë gjërat “mes asaj që thuhen dhe asaj që shihen” në program janë në mospërputhje!
Si përgjigje nga prezantuesi, Ledion Liço, Jetmiri mori pretendimin se ai po pranon se është dorëzuar për të vazhduar lojën.
Pjesë nga debati:
Ledion: Jetmir ti nuk ke bërë asgjë të tepruar?
Jetmir: Kam bërë se unë jam njeri. Por ajo që po them është se këtu kanë tejkaluar normat dhe janë dëshmitarë dhe banorët e tjerë.
Ledion: Sikundër ka disa banorë që mendojnë të kundërtën e kësaj, pra kjo është demokracia secili është i vendosur të ketë mendimin e vetë.
Ajo që është e rëndësishme për t’u theksuar është qëllimi i këtij programi. Nuk është të normojë asgjë, sepse nuk mund të normohet mënyra e caktuar që ju bashkëveproni me njëri-tjetrin, nuk mund të normohen tre burra që në mes të natës hedhin ato dyshekët.
Jetmir: Ky është një program që ndiqet nga fëmijët dhe unë dua që me shembullin tim të ndryshoh programin.
Ledion: Jetmir ti hyre ne program me thirrjen tënde sepse mendoje që programi nuk duhet të ishte sipas mendimit tënd kjo që është dhe i ke thënë Orit që do ta fitoj këtë program me modelin tim.
Ajo që shoh sot është një njeri i dorëzuar i cili pasi e shikon se nuk e fiton dot programin me “modelin e tij” thotë unë do dal nga dera e kuqe. Më vjen keq ta them por kjo me një njeri guximtar si ty nuk me rri.
Jetmir: Nuk është kështu. Mënyra sesi e shoh unë të drejtën e shoh në këndvështrimin tim. Nëse mendja ime mendon padashur se është duke m’u bërë padrejtësi, nuk do doja që ta shtjelloja këtë gjë tani. Që unë të bëj një betejë me ju, normalisht nuk e di nëse e fitoj dot.
Në sytë e mi, si po e shoh unë gjënë nga këtu brenda ka mospërputhje të mëdha, mes asaj që ndodh dhe asaj që shfaqet Nuk mjafton ndonjëherë fjala për të treguar të vërtetën. Në konktekstin ku unë jam po mundohem dhe po apeloj që të reagoj në formën time Ju e dini më mirë sesi funksionon këtu, ku pozicionohet kamera, se ku shkon vëmendja.
