Një ngjarje e rëndë ka tronditur ditën e djeshme qytetin e Ferizajt, pasi një grua 21-vjeçare ka mbetur e vrarë, kurse vëllai i saj 15-vjeçar u plagos pasditen e së premtes nga të shtënat me armë zjarri në Qendrën për Punë Sociale, ku dyshohet se në drejtim të tyre ka shtënë ish-bashkëshorti i viktimës.
Sipas raportimeve nga vendi i ngjarjes, trupi i 21-vjeçares së vrarë është tërhequr nga vendi i ngjarjes dhe është dërguar në Institutin e Mjekësisë Ligjore. IML dhe Forenzika janë larguar nga objekti i Qendrës për Punë Sociale në Ferizaj, ku u vra 21-vjeçarja dhe u plagos vëllai i saj 15-vjeçar.
I dyshuari për vrasjen e 21-vjeçares dhe
plagosjen e e vëllait të saj 15-vjeçar, 36-vjeçari Valon Aliu, u paraqit në seancën për caktimin e masës së sigurisë.
Në deklaratën e tij në polici, i dyshuari ka thënë se brenda në zyrë është takuar me të ndjerën, vëllain e saj dhe punëtoren e QPS-së.
Sipas tij, aty ka filluar fjalosja dhe në një moment ka nxjerrë armën dhe fillimisht ka qëlluar në drejtim të të ndjerës apo vëllait të saj pastaj sërish ka shtënë dy apo tri herë në drejtim të të ndjerës E.C dhe është larguar nga vendi i ngjarjes.
