I ftuar në një lidhje me Skype për “Wake Up” ka qenë vëllai i Egla Cenos, Beso Ceno. Ai ka folur për herë të parë për lojën e motrës së tij në “Big Brother VIP”, por duke u ndalur po ashtu dhe tek akuzat e saj për ngacmim seksual kundër Saimir Kodrës…
Lidhur me akuzat kundër Saimir Kodrës dhe deklaratat e Eglës, Beso u shpreh:
Nuk isha në dijeni të kësaj, kam parë shumë pak video. Sepse jam deri vonë në darkë i zënë. Unë personalisht jam një djalë i larguar herët nga Shqipëria. Jam pak tradicional, më shumë se rinia ime. I mbështes shumë kauzat e femrave, edhe për shkak të Eglës. Kam mësuar shumë prej saj. Duhet të kesh informacione para mbi të tilla gjëra dhe nuk mund të flas shumë. Ajo do të më ketë përkrah, do i qëndroj gjithmonë pranë. Këto janë tema që prekin gjithë shoqërinë tonë.
Egla brenda shtëpisë ka pasur dhe shumë përplasje me vajzat, a është kështu ajo dhe jashtë apo ky agresivitet është pjesë e rolit?
Nuk mendoj që dikush aty ka shkuar të tregojë jetën e përditshme. Ata e dinë se çfarë do ai format. Kjo po e mban brenda asaj shtëpie. Ata aty janë për lojë, janë për të nxjerrë njëri-tjetrin jashtë.
Ke një mesazh që do të përçosh tek publiku?
Publiku është i mrekullueshëm dhe ata dinë të gjykojnë shumë mirë.
