Kjo është hera e parë për të. 17-vjeçarja Lily-Rose Melody Depp ndjek gjurmët e nënës së saj, Vanessa Paradis, duke pozuar në revistën “Elle”, për tre kovera të ndryshme. Bukuroshja franceze-amerikane pozon para lentës së Karl Lagerfeld, i cili e njeh shumë mirë para bashkëpunimit si imazhi i “Chanel”. Vajza e aktorit Johnny Depp dhe e Vanessa Paradis, rrëfehet për herë luftën e saj ndaj anoreksisë.
“Jam shumë krenare për progresin që kam bërë, sot ndihem mirë më trupin tim”, thotë modelja. Ajo është prekur nga anoreksia që në moshë të re dhe Lily-Rose Depp rrëfen se nuk ka qenë e pandjeshme ndaj kritikave që i janë bërë. Në moshën 17-vjeçare.
Lily-Rose ka ndërprerë studimet për t’iu dedikuar karrierës, por duke qenë një person publik, reflektorët drejtohen shpesh nga ajo, lidhur me faktin se është shumë e dobët.
“Isha shumë e re dhe ishte akoma më e vështirë ta kaloja atë gjendje. Kujt i është dashur të luftojë kundër kësaj sëmundjeje e di se sa e rëndë është. U bënë vite që unë po përpiqem të shëndoshem, kam qenë nën kujdesin e profesionistëve dhe jam shumë krenare për progreset që kam bërë. Më trishton shumë fakti se është përfolur se unë dua t’u jap këtë mesazh të rinjve, duke i ftuar ata të jenë nën peshë. Sot ndihem mirë me trupin tim dhe është pikërisht kjo, ajo që ka më shumë rëndësi”, thotë ajo për revistën “Elle”.
Ndërsa deri më herët ka thënë se është nën hijen e prindërve, Lily-Rose tashmë është në qendër të vëmendjes përmes filmit “Planetarium”, ku luan krah Natalie Portman, Emmanuel Salinger dhe Louis Garrel.
Burimi: Elle
