Zbulohen të tjera detaje nga masakra e mbrëmshme në Fronsinone, ku sipas autoriteteve italiane e gjithë ngjarja ka qenë një përplasje mes bandave shqiptare.
Grupi i parë me pesë persona ishte në një tavolinë jashtë lokalit “Shake”, ndërsa grupi kundërshtar përbëhej nga katër anëtarë, gjithashtu shqiptarë.
Autori i ngjarjes qëlloi me të paktën 10 plumba, ku 27-vjeçari Kasem Kasmi u godit në gjoks dhe humbi jetën në vendngjarje.
Policia sekuestroi makinën e sulmuesve në rrugën paralele me Via Aldo Moro, ku ata kishin mbërritur në qendër të Frosinone. Në momentin e përplasjeve, në restorant ishin të paktën 50 klientë.
Fotoja e 23-vjeçarit shqiptar Mikea Zeka që u arrestua është bërë publike. I riu akuzohet për vrasje dhe tre tentativa vrasjeje.
