Romeo ka komentuar sërish vendimin e Gracianos për të çuar në nominim atë dhe dy personat e tij më të afërt në “BBV”, Heidin dhe Lisin. Gjatë spektaklit të sotëm ai tha se balerini donte ta lëndonte duke vënë përballë miqtë e tij dhe ka shkelur dinjitetin për të qëndruar 3 ditë më shumë në shtëpi.
“Kjo është një shkelje e dinjitetit, Graciano këtu tregon se çfarë është i aftë të bëjë për të qëndruar 3 ditë më shumë në shtëpi. Është i aftë që Lisit t’i thotë që unë të kam xhan dhe je njeriu më i rëndësishëm për mua këtu në shtëpi ta nxjerrë sot. E ka vënë në kandar bashkë me Heidin dhe të më bëjë mua tëlëndohem nëpërmjet këtyre të dyve. Shkel çdo lloj norme dhe dinjiteti vetëm për të qëndruar 3 ditë më shumë në shtëpi. Unë kam dëgjuar 9 variante të ndryshme të bisedave me të. Unë nuk e kuptoj kur ky djali e mendon veten kaq të fortë pse nuk futi veten në nominim mua dhe dikë tjetër. Por kjo është zgjedhja e tij sepse mendoj që edhe në luftë ka disa rregulla. Nuk preken disa gjëra që ky nuk ka problem t’i prekë. Dhe unë them që nuk je burrë, nuk ke karakter dhe sedër”, tha ai.
