Përdorimi i teknologjive të reja të informacionit dhe veçanërisht i Internetit ka marrë një rëndësi të veçantë në jetën e përditshme. Ky fenomen prek jo vetëm aktivitetet e një organizmi qoftë ai shtetëror apo privat, i implikuar në sferën e biznesit apo të një aktiviteti jo fitimprurës, por mund te prekë dhe njeriun e thjeshtë në aktivitetin e tij të përditshëm, në sferën e tij private apo profesionale. Si çdo teknologji e re e vënë në dispozicion të një numri të madh përdoruesish, Interneti paraqet jo vetëm të mira dhe përfitime, por në të njëjtën kohë dhe një sërë problemesh.
Për të luftuar krimin kibernetik, Bashkimi Evropian ka miratuar ligje të cilat synojnë mbrojtjen kibernetike ushtarake dhe mbrojtjen e jetëve të qytetarëve. BE-ja ka rritur investimet në sigurinë kibernetike ndër vite, si dhe ka miratuar ligje për forcimin e vlerësimit të rreziqeve nga sulmet kibernetike.
Videoja më poshtë është zhvilluar me mbështetjen e projektit rajonal “ SMART Balkans – Shoqëria Civile për Vlera të Përbashkët në Ballkanin Perëndimor” të zbatuar nga Centar za promociju civilnog društva në bashkëpunim me IDM Albania, dhe Center for Research and Policy Making dhe i mbështetur financiarisht nga Ministria e Punëve të Jashtme te Norvegjise (NMFA).
