Është konfirmuar rasti i parë i virusit të fruthit në vendin tonë. Shefja e epidemiologjisë Dhurata Hyja bën me dije se një fëmijë i mitur rreth moshës 4 vjeç në Shkodër është infektuar me këtë virus i cili ka shfaqur simptomat pas kontrollit nga mjeku.
Bëhet me dije se i mituri ndodhen në monitorimin e mjekëve dhe është në gjendje të mirë shëndetësore. Ai do të transportohet në banesën e tij ku do të qëndrojë i izoluar për të mos rritur rastet e infektimeve me këtë virus. 4-vjeçari mësohet se është i vaksinuar me njërën prej vaksinave.
Epidemiologia theksoi se deri më tani nga kontrollet ky është rasti i parë. Ndërkohë shefja Hysa bën të ditur se në Shkodër vetëm 87% e fëmijëve janë të vaksinuar dhe 13% jo. Sipas shefes së epidemiologjisë të gjithë fëmijët e pavaksinuar janë të rrezikuar të infektohen nga fruthi apo viruse të tjera të rrezikshme që mund të kenë edhe pasoja fatale ndaj i bën thirrje të gjithëve për vaksinim.
