Irida Hasalla, është 28-vjeçarja e cila ndërroi jetë në spitalin ‘Amerikan 2’ pas një ndërhyrjeje të gabuar.Megjithëse ajo ishte me kancer, mjekët e spitalit i kryen ndërhyrje për heqjen e dhjamit.
E reja kurohej në Belgjikë për kancer, e cila një ditë më parë ndërroi jetë ku sipas familjarëve të saj ajo pësoi trombozë.
Pas ndërhyrjes ajo kishte kërkuar të shkonte në tualtet por askush nuk e kishte ndihmuar, kështu që në momentin që tentoi të çohej në këmbë ajo është rrëzuar duke pësuar trombozë dhe i’u nënshtrua një tjetër operacioni për 6 orë të tjera.
Sipas familjarëve të saj, të cilët akuzojnë në mënyrë të drejtpërdrejtë spitalin dhe stafin e mjekëve, thonë se 28-vjeçarja me sëmundjen që kishte, tumor në mitër, nuk duhet që t’i nënshtrohej asnjë ndërhyrjeje kirurgjikale.
‘Spitali Amerikan nuk i veshi çorapet e trombozës. Një njeri me kancer nuk duhet të bëjë ndërhyrje. Vetëm në Shqipëri të masakrojnë!Unë e kam me mjeken Rezarta Kapaj dhe Spitalin Amerikan 2.’– është shprehur vëllai i 28-vjeçares.
Në skedën e vdekjes së 28-vjeçares thuhet se ajo e humbi jetën për shkaqe të panjohura por por prej autopsisë do të zbulohet e vërteta.
Por si po tenton Klodian Allajbeu të mbulojë kasaphanën e fundit të ndodhur në spitalin e tij ?
Sakaq policia ka nisur hetimet për këtë ngjarje tepër të rëndë, marrjen në pyetje të familjarëve, mjekëve dhe anestezistit që ishte pjesë në operacionin e 28-vjeçares.
Mjekët që janë marrë në pyetje kanë deklaruar se i kanë ndjekur të gjitha rregullave të duhura , por prokuroria ka kërkuar që të verifikohen të gjitha lëvizjet që janë bërë që nga momenti që 28-vjeçarja ka shkuar për të kryer ndërhyrjen e deri në momentin që ajo ka ndërruar jetë.
Janë sekuestruar dokumentacionet e plota të ndërhyrjes, përfshirë kartelën mjekësore në spital dhe materiale të tjera me rëndësi për hetimin, i cili është në fazë fillestare.
“Ditën e djeshme, më datë 30.01.2024, është marrë njoftim se në një spital privat, pas një operacioni, ka ndërruar jetë shtetasja I. H., 28 vjeçe, banuese në Tiranë. Pas marrjes së njoftimit, në drejtimin e Prokurorisë, është ngritur grupi hetimor dhe janë kryer veprimet e para procedurale si autopsia, marrja në pyetje e familjarëve, marrja në pyetje e mjekëve dhe anestezistit që kanë marrë pjesë në operacion. Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale“, njofton policia.
