Këngëtarja Leonora Jakupi ka pranuar më në fund se është në një lidhje. E ftuar në emisionin Top Show në Top Channel, bukuroshja e cila njihet për zërin atraktiv dhe linjat e jashtëzakonshme, ka rrëfyer se ka gjetur personin e jetës.
Edhe pse nuk shfaqet publikisht me të dashurin, ajo pranoi se ai nuk është person publik. E pyetur për një martesë të mundshme, Leonora refuzoi të japë një përgjigje konkrete.
“Nuk e mendoj edhe shumë shpejt. Jam ndjerë gjithmonë mirë kështu. Vazhdoj të ndihem mirë”, tha ajo.
Për Leonorën, nuk duhet shumë që t’i bësh përshtypje një femre:
“Nuk duhet shumë për të impresionuar një femër. Ai sigurisht se ka ditë me folë. Më pëlqen komunikimi”, u shpreh Leonora.
Këngëtarja ka folur edhe për rininë e saj dhe faktin që nuk i ka shijuar ato vite pasi iu desh të përkujdesej për familjen, pasi i vranë babain.
Ajo tha se ende nuk del në klube të natës dhe lokale dhe se lidhja nuk është një gjë që ndikon në këtë fakt.
