Mes konkurrentëve të “Big Brother VIP 3” me siguri ju tërhoqi vëmendjen edhe djaloshi simpatik e fjalëpak, që me punën e tij ka folur gjithmonë shumë.
Gabriele Mezini, ish-futbollist me Partizanin, Dinamon dhe një sërë ekipesh të tjera, përflitej që në moshë të re si një talent i madh.
Ai nuk mundi të arrijë potencialin e tij të plotë, pasi karierra iu pre në mes pas një dëmtimi të rëndë në gju.
Deri më sot, Gabriele ka vazhduar jetën në Brooklyn të New York në SHBA, ku ka zgjedhur të punojë dhe jetojë me familjen.
Mirëpo, emri i tij nuk është i padëgjuar për disa lidhje romantike me vajza të showbiz-it shqiptar. (Kërkimet bëjini vetë)
Gabriele pritet të tërheqë vëmendjen e publikut në “Big Brother VIP Albania”, ku e ka nisur me një taktikë më të heshtur dhe të ruajtur nga antagonistet e tjerë, ndoshta dhe nga fakti i handikapit që ka në eksperiencë përpara ekranit televiziv. Megjithatë, ai pritet të japë shumë prej vetes.
Ky djalosh me vlera, simpatik, i matur dhe me karakter, pak i njohur në showbiz-in shqiptar, duket se gjithmonë ka patur mënyrën e tij për të joshur femra të bukura dhe njerëz me influencë.
Ai tregoi vlerat e tij që në nisje, me mirësjelljen dhe edukatën, pa u përfshirë menjëherë në debate të sforcuara, por duke ndjekur një taktikë më të qetë dhe miqësore. E duket se me këtë taktikë do të joshë edhe publikun shqiptar.
Presim që Gabriele t’i tregojë publikut të gjitha ngjyrat e personazhit të tij, në rrugëtimin e “BBV”.
