Këngëtarja Tuna Sejdiu është vënë në qendër të vëmendjes pas lajmeve mbi shtatzëninë e saj. Fillimisht u përfol se babai i fëmijës është reperi Cozman, por më pas, pas disa fotove të publikuara, atësia e fëmijës iu la vëllait të Robert Berishës (bashkëshorti i Nora Istrefit), Patris, me të cilin Tuna kalon pjesën më të madhe të kohës tani që jeton në Prishtinë.
Së fundmi gazeta Express ka siguruar një foto të Tunës në palestër, së bashku me Patrisin, për të cilin gazeta e Kosovës thotë se është babai i fëmijës. Tuna nuk ka bërë asnjë reagim në lidhje me shtatzëninë, as nuk e ka mohuar dhe as nuk e ka pohuar.
E vetmja gjë që ka bërë është publikimi i disa fotove nga një koncert i saj, që mendohet se ka ndodhur kohë më parë.
