Viti 2024 ka nisur me reflektime dhe vendime të rëndësishme për yllin shqiptar Dua Lipa. Këngëtarja ka hequr dorë njëherë e mirë nga duhani.
Ylli 27-vjeçar i pop-it kishte hequr dorë nga ky ves për turneun e saj “Future Nostalgia” në vitin 2022, që të sigurohej që shëndeti i saj vokal të ishte në maksimumin e tij, por tani ka zbuluar se e ka ndërprerë plotësisht.
Duke folur në ‘Late Night With Seth Meyers’, ajo tha: “Unë isha duke pirë cigare në atë kohë…Por e kam ndaluar. E kam lënë, djema.”
Si pasojë e pirjes së duhanit, Lipa gjatë vitit 2021 ka vuajtur nga laringiti dhe ndjeu nevojën për ta lënë duhanin për hir të turneut të saj dhe më vonë u shpreh se sa “besim” i kishte dhënë lënia e duhanit
Duke folur në podcastin e saj, ajo zbuloi: “Kam pasur laringit në dhjetor dhe kjo më bëri të lija duhanin një muaj më herët se sa duhej. Por e bëra dhe i kam qëndruar besnike. Ndihem e emocionuar dhe ka shumë adrenalinë. Ka momente kur unë jam në skenë çdo natë dhe, po, jam mjaft e ekspozuar, po kërcej dhe performoj dhe ndihem sikur duhet të stërvitem dhe të jem vërtet e shëndetshme në mënyrë që të ndihem mirë me veten. Kështu që më pëlqen të bëj vetëm gjëra që më bëjnë të ndihem mirë dhe që gjithashtu më ndihmojnë me vetëbesimin.”
