Dafina Zeqiri po ndjek gjurmët e koleges së saj Era Istrefi për të bërë karrierë ndërkombëtare tashmë. Ajo do të vijë me një projekt të ri muzikor, për të cilin do të bashkëpunojë me një prej reperëve më të famshëm në SHBA, French Montana.
Pjesë e këtij bashkëpunimi do të jetë edhe kantautori tjetër shqiptar Gëzim Gashi, i cili nëpërmjet një postimi në Instagram, u shpreh i lumtur që kishte mundësinë të ishte dëshmitar i gjithçkaje që Dafina po bën në Los Angeles.
Reperi, i cili ka qenë edhe i dashuri i Khloe Kardashian, është i famshëm për bashkëpunimet e tij me Drake, Kanye West, Chris Broën etj. Një gjë e tillë mendohet të ketë ndodhur falë bashkëpunimit të Dafinës me producentët e Montana-s. Sipas ‘Prive.al’, gjërat janë mjaft konkrete dhe madje është përzgjedhur edhe kënga që artistët do të interpretojnë, e cila titullohet “Four Seasons”.
