Detaje të reja tronditëse janë zbardhur nga vrasja e 26-vjeçares Vanessa Ballan në provincën e Trevisos në Itali, nga shqiptari Bujar Fandaj.
E reja, nënë e një fëmije 4 vjeç, ishte tre muajshe shtatzënë dhe prej rreth tre javësh ishte në shtëpi me leje të parakohshme shtatzënie.
Fandaj dhe Vanessa njiheshin me njëri-tjetrin, pasi në të kaluarën kishin pasur një lidhje që ka zgjatur disa muaj. Lidhja përfundoi keq, pasi ajo ishte shprehur se kishte frikë prej tij dhe e denoncoi për përndjekje.
Sipas mediave italiane, Fandaj, i cili punonte si korrier ishte nisur me furgonin e punës për te shtëpia e 26-vjeçares, në Spineda, në Riese Pio X. Në momenti që arriti përballë shtëpisë, u fut me forcë duke thyer me çekiç një derë prej xhami. Ai e gjeti të renë ende me pizhame, e dhunoi fizikisht më pas e goditi me thikë për ta lënë më pas në tokë, të mbuluar nga gjaku.
Të hënë në mbrëmje, rreth orës 22:00, në TikTok dhe Instagram, 41-vjeçari kishte publikuar një Story, me audio në sfond, ku thuhej: “Kështu jam gatuar, të jap menjëherë zemrën, transparencë e sinqeritet. Por mos mendo se mund të ma fusësh, sepse nëse më del nga zemra nuk hyn më”.
