Ish-konkurrenti i “Përputhen”, Andi Artani dhe modelja Gresa Hoti një vit më parë krijuan një romancë në “Big Brother Vip Kosova”, të cilën e vazhduan edhe pas daljes nga shtëpia.
Megjithatë ish-çifti kishte një marrëdhënie jo konstante, pasi herë ndaheshin dhe herë ribashkoheshin.
Lidhja e tyre nuk vazhdoi shumë sepse disa muaj pasi dolën nga shtëpia ish-çifti i dhanë fund lidhjes së tyre, ndërsa sot Gresa dhe Andi nuk kanë raport të mirë me njëri-tjetrin.
Në një interviste, modelja ka folur për raportin e tyre sot, duke zbuluar që nuk kanë komunikim me njëri-tjetrin.
“Me Andin kemi kaluar shumë mirë, ndjenjat kanë qenë të vërteta. Ai është djalë shumë i mirë, ja uroj gjithë të mirat në jetë. Nuk jemi përshtatur jashtë, unë kisha një jetë shumë ndryshe nga ai. Andi u mundua të më përshtatej por nuk nuk ishte e lehtë, jemi shumë të ndryshëm. Nuk jemi shokë më as nuk flasim u bënë disa muaj, nuk di asgjë për të, shpresoj të jetë mirë”, tha Gresa.
