Një nga momentet më të rëndësishme të shfaqjes së “Victoria’s Secret” është: Kush do të sfilojë me brendshmet më të shtrenjta në botë.
“Victoria’s Secret” njoftoi dje zyrtarisht se e zgjedhura është engjëlli Jasmine Tookes, e cila do të shfaqet e veshur me reçipetat 3 milionë dollarëshe, “Bright Night Fantasy”, dizajnuar nga Eddie Borgo, në shfaqjen që do të mbahet në Paris.
24-vjeçarja kaliforniane amerikane është një prej engjëjve më të dashur të Victoria’s Secret. “Fantasy Bra” (Reçipetat e fantazisë) është momenti më i shumëpritur për të gjithë fansat e markës. Ky krijim tejet i kushtueshëm i jepet zakonisht një engjëlli që ka fituar simpatinë e publikut.
Këtë herë është zgjedhur ngjyra jeshile dhe reçipeta është e zbukuruar nga gurë smeraldi dhe peshon 450 karatë.
Sfilata më e përfolur e vitit do të mbahet në dhjetor, për herë të parë në Paris. Edhe këtë vit do të jenë supermodelet e famshme Adriana Lima, Alessandra Ambrosio, Lily Aldridge, por do të mungojnë dy prej engjëjve më të pëlqyer, Candice Sëanepoel dhe Behati Prinsloo, të cilat u bënë nëna për herë të parë.
Burimi; Daily Mail
