Detaje të reja janë zbardhur nga vrasja e Liridona Ademajt, ngjarja e mbuluar me mistere pasi ende nuk është zbuluar shkaku.
Sot, Gjykata Themelore në Prishtinë, caktoi masën e paraburgimit për të dyshuarin e katërt, Tomë Dodaj.
Në njoftim thuhet se Dodaj më 29 nëntor, rreth orës 14:00 në vendin e tij të punës, i ka shitur armën Naim Murselit dhe Granit Plavës, e cila dyshohet se është përdorur për të vrarë Liridonën. Pra arma është blerë vetëm pak orë para se të ndodhte vrasa e 30-vjeçares.
“Ekziston dyshimi i bazuar se i pandehuri T.D me datë 29.11.2023 rreth orës 14:00 në vendin e tij të punës, me qëllim të përfitimit të dobisë pasurore në kundërshtim me Ligjin në fuqi për armë apo materie plasëse, ia ka shitur armën të dyshuarve N.M dhe G.P, për të cilën dyshohet se është përdorur në kryerjen e veprës penale Vrasje e Rëndë e të dëmtuarës- tani të ndjerës L.M”, thuhet në njoftim.
