Aktori amerikan Ryan O’Neal, ka ndërruar jetë në moshën 82 vjeçare. I njohur më së shumti për rolet e tij në filmat e Stanley Kubrick “Love Story” dhe “Barry Lyndon”, O’Neal arriti të fitonte zemrat e gjithë publikut.
Lajmi u bë i ditur nga djali i tij, Patrick O’Neal përmes një postimi në Instagram, ku shkruante: “Kjo është gjëja më e vështirë që më është dashur të them ndonjëherë, por është ajo që është. Babai im ndërroi jetë i qetë sot”.
Ryan O’Neal bëri bujë me filmin “Love Story”, në 1970, një film që i përket zhanrit të romancës, ku aktori laun rolin e një djali i cili pasionohet pas një vajze të re, që detyrohet të punojë në bibliotekë për të paguar studimet.
Ky film korri një sukses të jashtëzakonshëm asokohe duke e nominuar aktorin për çmimin Oscar.
Aktori shpesh ka pasur përplasje me ligjin dhe në vitin 2009, ai u dënua me një program 18-mujor të trajtimit të drogës pasi policia e arrestoi atë dhe djalin e tij Redmond pasi gjeti metamfetaminën në shtëpinë e tyre në Malibu.
