Spektakli i këndimit “X Factor”, ka rinisur pas 6 vitesh mbrëmjen e djeshme në Tv Klan, me drejtuese Alekta Vejsiun.
Katër anëtarët e jurisë për këtë sezon që ekskluzivisht i zbuloi “Iconstyle” janë: Arilena Ara e cila është dhe fituese e një prej edicioneve të “X Factor”, Adi Krasta, Elhaida Dani dhe Young Zerka.
Drejtuesja e emisionit, Alketa, me anë të një postimi në Instagram ka thënë që kur është xhiruar nata e parë e audicioneve ka qenë një ditë pasi i tha lamtumirë babait të saj. Por ka qenë pikërisht ai që i dha forcën të ringrihej dhe të superonte këtë sfidë.
Konkurrentët kishin ardhur nga të gjitha trevat, por ajo që tërhoqi më shumë vëmendjen e të gjithëve ishte Queen Klea, trasgjinorja që jetonte në Prishtinë dhe për fat të keq mori katër JO nga juria, nuk e kaloi provën.
Të rinj nga Kosova, Maqedonia, Mali i Zi dhe shtetet fqinje si Italia morën pjesë në garën e muzikës.
Konkurrenti i parë që hapi garën ishte Aldo, ai jetonte në Itali dhe e kaloi provën ku juria ndjeu emocione nëpërmjet interpretimit të tij.
Përveç emocioneve dhe gëzimit të garës kishte dhe lot, konkurrentë që kishin ardhur për ta fituar por fatkeqësisht nga juria morën JO dhe nuk e vazhduan dot garën, u përlotën.
