Njëri nga vëllezërit e Liridonës, Leonard Ademaj ka folur për RTK-në, ku ka treguar fillimisht çka i ka thënë bashkëshorti i Liridonës, Naimi pasi ajo ishte vrarë.
Një ditë pas vrasjes, Leonardi thotë se Naim Murseli nuk e hapte telefonin.
Dyshimet e tjera, sipas vëllait të së ndjerës, lindën kur Naim Murseli hezitonte ta shikonte trupin e gruas së tij.
“Edhe Naimin e kemi marrë kur shkuam të shohim Liridonën. Por tha mos e shikoni nëse keni probleme shëndetësore. Unë i thashë jam rritur me të, dua ta shoh. Ai nuk dëshironte. Aty filluan edhe dyshimet e tjera.
Çfarë na shkon mendja është se Liridona ka pasur sigurime në Suedi. Sigurimi në Suedi paguan shuma marramendëse nëse i ndodh një fatkeqësi njërit ose tjetrit prind. Ose ka mbetur pa para, ose ka pasur borxhe që e ka vrarë motrën tonë për këtë arsye.”
Leonardi tregon se çfarë i kishin thënë fëmijët në momentin e vrasjes së inskenuar përmes grabitësve.
“Fëmijët më thanë: Dajë, mamin e harruam në makinë. Atë ditë ka ndodhur krejt rasti. Djali e kishte shtrënguar dorën e të ëmës shumë. Kur kam shkuar në polici ka ardhur dhe më ka përqafuar duke më thënë: dajë hajduti më ka kërkuar para po unë nuk ia kam dhënë dhe më tregoi dorën me para.”
