Ish-banorja e ‘Big Brother Vip’ Mikela Pupa na ka prezantuar për herë të parë me të dashurin e saj, edhe pse më herët u zotua se nuk do ta bënte një gjë të tillë, pasi ai vetë nuk ka dëshirë të bëhet publik.
Dyshja e dashuruar kanë nisur bashkëjetesën dhe vetë Mikela ka bërë me dije se djali që i ka rrëmbyer zemrën nuk është personazh publik por që i përket fushës së artit. Së fundmi fansat i kanë kërkuar me ngulm një foto të tyre dhe Mikela nuk ua ka ‘prishur’ qejfin.
“Foton më të bukur me të dashurin tend”, i ka shkruar një ndjekëse Mikelës.
“Nuk bëjmë foto kopertinash por kemi gjithmonë momente të tilla”, shkruan ajo bashkangjitur videos së postuar, duke zbuluar për herë të parë identitetin e të dashurit të saj.
