Pas ish të dashurit së fundmi në emisionin “Me Zemer të Hapur” në lidhje me rastin e Eglantina Isufit (30-vjeçares që braktisi foshnjën në Yzberisht) ka folur edhe i vëllai i saj.
Vëllai i 30-vjeçares është shprehur se lajmin e ka mësuar në internet dhe ndonëse ka tentuar nuk ka komunikuar dot me motrën dhe nënën e tij.
Ai e pranoi se ka qenë shok me ish të dashurin e Eglantinës, madje e akuzoi se ka kryer marrëdhënie me motrën e tij pasi e ka alkoolizuar.
“Unë jam jashtë për momentin dhe nuk u futa dot dje. Unë nuk e kam marrë vesh nga familjarët e mi dhe e mora vesh në internet. Mora në telefon motrën por nuk ma hapën. Mora nusen dhe më thanë kanë ardhur dy-tre policë civilë. Unë kam dyshuar shumë dhe nuk kam mundur t’i them motrës. Kam kapur mamin dhe i kam thënë pyete motrën se ka një çikë ndryshime.
Ajo ka thënë atë punë keni ju. Ajo ka pasur frikë. I kam pasur pikë të dobët. Para një viti e kam ditur që është lidhur me një person. Nuk ma thanë por i kuptova një cikë gjërat. Pastaj, e kapa mat dhe fola me djalin në fjalë. Kemi qenë shokë. Janë lidhur më përpara dhe pastaj ka marrë numrin tim dhe kemi folur në telefon. Kemi qenë në kafe dhe këtë gjë që ma ka bërë prapa shpine, duke e alkoolizuar motrën dhe ka bërë ato gjëra, unë nuk ia kam falur. Ka një vit dhe nuk më ka treguar asgjë”, tha ai.
